"ජයග්‍රාහකයා යනු කිසිවිටෙකත් අත්නොහරින සිහින දකින්නෙකි."

"A winner is a dreamer, who never gives up !"

- Nelson Mendela -

 

එන්නේ දකුණු අප්‍රිකාවේ ප්‍රථම කළු ජාතික ජනාධිපති නෙල්සන් මැන්ඩෙලා,ගේ රුවන් වැකි ආශ්‍රයෙන්...

 

නෙල්සන් මැන්ඩෙලා කිසි විටෙකත් තම සිහිනය අත්හැරියේ නැත. ඔහු ඒ සඳහා කරන ලද අසීමිත කැපකිරීම් අතිශයින් ඉහළ මට්ටමක පැවතුනද, ඔහු සිරගෙයින් පිටතට යාම සඳහා වූ කේවල් කිරීම ප්‍රතික්ෂේප කළ ආකාරයටම, සම්මුතියක් නොමැතිව තම ඉලක්කය සපුරා ගත්තේය. ඔහු හිරෙන් එළියට ඇවිත් ලෝකයම පිළිගත්, මෙන්ම ලෝකයේම ගෞරවාදරයට පාත්‍ර වූ ජනාධිපතිවරයෙක් විය.

 

අප සැමට සිහින ඇත. සාර්ථක වීමේ සුන්දර සිහිනය, අපගේ මන්දිරවල වාසය කිරීම, නවීනතම මෝටර් රථ පැදවීම, අප කැමති රටවල නිවාඩු ගත කිරීම... මේවා අප සැමට තිබිය යුතු සුන්දර සිහින වේ. නමුත් අවංකව කිවහොත් අපගෙන් කී දෙනෙක් එම සිහින සැබෑ කර ගැනීමට වෙහෙස මහන්සි වී වැඩ කරනවාද? සිහින යනු දර්ශන සහ සිතුවිලි වල එකතුවකි. එම සිහින අපගේ මනසෙහි පවතින නමුත් එම සිහින යථාර්ථයට ගෙන ඒමේ හැකියාව, අප අන් අයගෙන් වෙන් කොට අපව ජයග්‍රාහකයන් බවට පත් කරනු ඇත.

 

ඔබ ජීවිතයේ ජයග්‍රාහකයෙකු ලෙස හැඳින්වීමට පෙර, ඔබ යම් මට්ටමකට පැමිණ එය පවත්වා ගෙන යා යුතුය. ජීවිතයේ බොහෝ ජයග්‍රාහකයින්, ඔවුන්ගේ ජීවිතයේ හා වෘත්තියේ බොහෝ අසාර්ථකත්වයන්ට හා බලාපොරොත්තු සුන්වීම් වලට මුහුණ දී ඇත. නමුත් ඔවුන් කිසි විටෙකත් ඔවුන්ගේ සිහින වල සුන්දරත්වය විශ්වාස කිරීම නතර නොකළ අතර කිසි විටෙකත් අත් නොහරින ලදි.

 

ජයග්‍රාහකයින් කිසි විටෙකත් ඉවත්ව නොයන අතර ඉවත්ව යන අය කිසි විටෙකත් ජයග්‍රහණය නොකරති. සිහින දකින තැනැත්තා සැමවිටම සිහින දකින නමුත් අත් නොහරින අය එම සිහිනය සාක්ෂාත් කර ගනු ඇත.

 

ජීවිතය යනු එදිනෙදා අවස්ථාවකි. ඔබ ඊයේ සාර්ථක හෝ අසාර්ථක වූවා විය හැකිය. ඔබ සාර්ථක වූවා නම් ඔබේ මනසට සතුටක් දැනෙනු ඇත. නමුත් ඔබ අසාර්ථක වූවා නම් එහි අසාර්ථකත්වය පිටුපසින් තබා නැවත ආරම්භ කළ හැකිය.

 

බොහෝ විට අපගේ සිහින විශාල බැවින් අපට ඒවා සොයාගත නොහැක. අධෛර්යමත් නොවන්න. ඔබට ඔබේ සිහින තනිවම ගොඩනගා ගත හැකිය.

 

ඔබගේ සෑම අසාර්ථකවීමක්ම ඔබ ඔබේ ඇස් සහ කන් විවෘතව තබාගෙන ඉන් ඉගෙනීමට කැමති නම්, ඔබ ඉගෙන ගත යුතු පාඩමක් එය ඔබට උගන්වනු ඇත. සෑම විපත්තියක්ම වෙස්වළාගත් ආශීර්වාදයක් වේ. ආපසු හැරවීම් සහ තාවකාලික පරාජයකින් තොරව, ඔබට කිසිවිටෙකත් ජයග්‍රාහකයෙක් විය නොහැකි බව තරයේ සිහි තබාගන්න.

 

ලෝකය වෙනස් කල නායකයෙක් වන නෙල්සන් මැන්ඩෙලාගේ වඩාත්ම ඇගයීමට ලක්වූ අභිප්‍රේරණාත්මක රුවන් වැකි දහයකින් මා මෙම සටහන අවසන් කරන්නම්...

 

1. Be passionate. | උද්‍යෝගිමත් වන්න.

“Everyone can rise above their circumstances and achieve success if they are dedicated to and passionate about what they do.”

“සෑම කෙනෙකුම තම තත්ත්වයන්ට වඩා ඉහළට නැගී ඔවුන් කරන දේ කෙරෙහි කැපවීමෙන් හා උද්‍යෝගයෙන් කටයුතු කරන්නේ නම් සාර්ථකත්වය අත් කර ගත හැකිය.”

2. Nothing is impossible | කළ නොහැක්කක් නොමැත.

“It always seems impossible, until it is done.”

එය සිදු කරන තුරු, එය සැමවිටම කළ නොහැකි දෙයක් ලෙස පෙනේ. ”

 

3. Lead from the back | පිටුපස සිට නායකත්වය දෙන්න.

“Lead from the back and let others believe they are in front.”

“ඔබ පිටුපසින් සිට නායකත්වය දෙන්න, ඔවුන් ඉදිරියෙන් සිටින බව අන් අයට විශ්වාස කිරීමට ඉඩ දෙන්න.”

 

4. Make a difference. | වෙනසක් කරන්න.

“What counts in life is not the mere fact that we have lived. It is what difference we have made to the lives of others that will determine the significance of the life we lead.” 

“ජීවිතයේ වැදගත්කම වන්නේ අප ජීවත් වූ කාලය පමණක් නොවේ. වඩා වැදගත්ම දේ වන්නේ අන්‍යයන්ගේ ජීවිතවලට අප කර ඇති වෙනස කුමක්ද? යන්නයි. අප ගත කරන ජීවිතයේ වැදගත්කම තීරණය වන්නේ එය මතයි. ”

 

5. Be optimistic. | සුබවාදී වන්න.

“I am fundamentally an optimist. Part of being optimistic is keeping one’s head pointed toward the sun, one’s feet moving forward. There were many dark moments when my faith in humanity was sorely tested, but I would not and could not give myself up to despair. That way lays defeat and death.”

“මම මූලික වශයෙන් සුබවාදී කෙනෙක්.  සුභවාදී වීමේ කොටසක් නම්, කෙනෙකුගේ හිස කෙලින් තබා ගැනීමයි.  එවිට ඉදිරියට ඇවිදයාම පහසුවනු ඇත. මනුෂ්‍යත්වය පිළිබඳ මගේ ඇදහිල්ල දැඩි ලෙස පරීක්‍ෂාවට ලක් වූ අඳුරු අවස්ථා බොහෝමයක් තිබුනද, බලාපොරොත්තු සුන්වීම අත්හැරීමට මට නොහැකි විය.  ජීවිතයේ බලාපොරොත්තු සුන්වුවහොත්, ඒ ආකාරයෙන්ම පරාජය හා මරණය සිදුවේ. ”

 

6. Learn and teach. | ඉගෙන ගෙන උගන්වන්න.

“Education is the most powerful weapon which you can use to change the world.”

"ලෝකය වෙනස් කිරීමට ඔබට භාවිතා කළ හැකි බලවත්ම ආයුධය අධ්‍යාපනයයි.”

 

7. Make mistakes. | වැරදි සිදුවන්නට ඉඩ හරින්න.

“Do not judge me by my successes, judge me by how many times I fell down and got back up again.”

“මගේ සාර්ථකත්වයන් අනුව මාව විනිශ්චය නොකරන්න, මා කී වතාවක් වැටී නැවත නැගී සිටියාදැයි විනිශ්චය කරන්න.”

 

8. Don’t waste time. | කාලය නාස්ති නොකරන්න.

“We must use time wisely and forever realize that the time is always ripe to do right.”

“අපි කාලය නුවණැතිව භාවිතා කළ යුතුයි. අප අවසාන වශයෙන් තේරුම් ගත යුත්තේ කොතරම් නිවැරැදි දේ කිරීමට අප කාලය අයෝජනය කර ඇතිද යන්නය."

 

9. Choose your friends wisely. | ඔබේ මිතුරන් නුවණැතිව තෝරා ගන්න.

“I like friends who have independent minds because they tend to make you see problems from all angles.” 

“මම ස්වාධීන මනසක් ඇති මිතුරන්ට කැමතියි, මන්ද ඔවුන් ඔබට සෑම කෝණයකින්ම ගැටලු දැකීමට පෙළඹේ.”

10. Love others. | අන් අයට ප්‍රේම කරන්න.

“No one is born hating another person because of the colour of his skin, or his background, or his religion. People must learn to hate, and if they can learn to hate, they can be taught to love, for love comes more naturally to the human heart than its opposite.”

“වෙනත් පුද්ගලයෙකුගේ සමේ පැහැය, පසුබිම හෝ ඔහුගේ ආගම නිසා වෛර කිරීමට කිසිවෙකු ඉපදෙන්නේ නැත. මිනිසුන් වෛර කිරීමට ඉගෙන ගත යුතු අතර, වෛර කිරීමට ඉගෙන ගත හැකි නම්, ඔවුන්ට ආදරය කිරීමට ඉගැන්විය හැකිය. මක්නිසාද යත් ප්‍රේමය ස්වාභාවිකවම මිනිස් හදවතට පැමිණෙන්නේ එහි ප්‍රතිවිරුද්ධත්වයට වඩා බලවත් ලෙසිනි. ”

ඔබට ජය !

ස්තූතියි ! 

 

©️දිනේෂ් ජයවර්ධන | dineshvoices.lk